धोबीखोलामा एक पुरूषको शव फेला परेको छ।
मंगलबार बिहान काठमाडौं महानगरपालिका–४ स्थित सुकेधाराबाट कपन जाने बाटोमा रहेको फलामे पुलमूनि धोबीखोलामा एक पुरूषको शव फेला परेको प्रहरीले जानकारी दिएको छ।
स्थानीयले शव देखेपछि प्रहरीलाई खबर गरेका थिए। हालसम्म शवको पहिचान हुन सकेको छैन।
उक्त घटनाको काठमाडौं उपत्यका अपराध अनुसन्धान कार्यालय र प्रहरी वृत्त महाराजगन्जको टोलीले अनुसन्धान गरिरहेको छ।
