काठमाडौं। नेपाली कांग्रेसले स्थानीय तहको चुनावमा आफू पहिलो बनेको दाबी गरेको छ।
स्थानीय तह केन्द्रीय निर्वाचन परिचालन समितिअन्तर्गत अनुगमन, मूल्यांकन तथा सुपरिवेक्षण उपसमितिका संयोजक प्रदीप पौडेलले बिहीबार समिति संयोजक पूर्णबहादुर खड्कालाई बुझाएको प्रतिवेदनमा कांग्रेस स्थानीय तहको चुनावमा पहिलो बनेको दाबी गरिएको छ।
कांग्रेसले स्थानीय चुनावमा वडा अध्यक्षले ल्याएका मतलाई आधार मानेर एमालेभन्दा बढी मत ल्याएको दाबी गरेको हो। प्रतिवेदनमा कांग्रेसले एमालेको भन्दा एक लाख ७५ हजार ७६ मत बढी ल्याएको दाबी गरिएको छ।
एमालेले पनि स्थानीय तहको निर्वाचनमा आफू पहिलो दल बनेको दाबी गर्दै आएको छ।
