इलाम। कर्णाली बचत तथा ऋण सहकारी संस्थाका पदाधिकारी चढेको गाडी इलामको हर्कटेमा दुर्घटनामा हुँदा एक जनाको मृत्यु भएको छ। दुर्घटनमा ५ जना घाइते भएका छन्।
शुक्रबार साँझ भएको दुर्घटनामा संस्थाका उपाध्यक्ष इश्वरीप्रसाद खरेलको मृत्यु भएको छ। उक्त संस्थाका पदाधिकारी चढेको स्करपियो गाडी बिर्तामोडबाट इलामतर्फ आउँदै गर्दा हर्कटेमा दुर्घटना भएको प्रहरीले जनाएको छ।
दुर्घटनामा सहकारीका अध्यक्ष टिएस प्रधान, कोषाध्यक्ष एकराज विष्ट, सदस्य गणेश पराजुलीलगायत घाइते भएका छन्। घाइतेको बिएण्डसी हस्पिटलमा उपचार भइरहेको छ।
