इलाम । जवरजस्ती करणी गरको आरोपमा इलामको राहसल बाल अनाथालयका अध्यक्ष र सचिवलाई प्रहरीले पक्राउ गरेको छ।
अनाथालयकी बालिकालाई जवरजस्ती करणी गरेको जाहेरी परेपछि अध्यक्ष राजेन्द्र चौहान र सचिव कवीन्द्र राई पक्राउ परेका हुन्। राई नेपाल विद्युत् कार्यालय इलाममा कार्यरत कर्मचारीसमेत रहेको बताइएको छ।
जिल्ला प्रहरी कार्यालयका प्रमुख महेन्द्र श्रेष्ठले उनीहरुमाथि आरोप लागेपछि अनुसन्धानका लागि पक्राउ गरिएको जानकारी दिए।
राईलाई पक्राउ गरेर अदालतबाट म्याद थप गरी अनुसन्धान भइरहेको छ भने चौहानलाई समेत म्याद थप गरेर विस्तृत अनुसन्धान गरिने प्रहरीले जनाएको छ।
