काठमाडौं । चलचित्र ‘म’ साउन २० मा प्रदर्शनमा आउने भएको छ । कान्तिपुर फिल्म एकेडेमीको प्रस्तुती रहेको चलचित्रलाई सुवर्ण थापाले निर्देशन गरेका हुन् ।
चलचित्रमा निराजन प्रधान, निशा अधिकारी, सबिन श्रेष्ठ, रुबिना थापा, नरेन खड्का, सरिता लामिछाने, सरोज खनाल, संजोग रसाईली, पुनम श्रेष्ठ लगायतका कलाकारहरुको अभिनय छ।
अभिनेत्री निशा यही चलचित्रमार्फत आधा दशकपछि अभिनयमा फर्किएकी छिन् ।प्रकाश पुरीको कथा एवं पटकथा रहेको चलचित्रको निर्मातामा विमला हुमागाईँ र पदम पुरी छन् ।
तेन्जिन पाल्देनको छायाँकन रहेको चलचित्रलाई बनिश शाहले सम्पादन गरेका हुन् ।आगामी शनिबार चलचित्रको टिजर सार्वजनिक गर्ने निर्माण यूनिटको तयारी छ । सुवर्ण थापाको निर्देशन रहेको अर्को चलचित्र ‘राधा’ भदौं २० मा प्रदर्शन हुँदैछ ।
