काठमाडौँ । भारतबाट पेट्रोलमा ६.५२ रुपैयाँ बढेर आएको छ । नेपाल आयल निगमले बिहीवार भारतबाट पेट्रोलियम पदार्थको मूल्य बढेर आएको जनाएको हो ।
निगमका अनुसार, पेट्रोलमा प्रतिलिटर ६.५२ रुपैयाँ, डिजेलमा १९.३ रुपैयाँ र हवाई इन्धनमा १९.९१ रुपैयाँ मूल्य बढेर आएको छ । भारतबाट मूल्य बढेर आएपनि निगमलाई पेट्रोलमा ३१।२८ रुपैयाँ घाटा रहेको निगमले जनाएको छ ।
यस्तै डिजेलमा ३७.१६ रुपैयाँ घाटा भएको छ भने हवाइ इन्धन (आन्तरिक)मा २.७०० रुपैयाँ घाटा हुने निगमको भनाइ छ । निगमका अनुसार आगामी १५ दिनमा करीब ४ अर्ब ८१ करोड रुपैयाँ घाटा हुने देखिएको छ ।
