काठमाडौँ । प्रधानमन्त्री शेरबहादुर देउवा आज सुदूरपश्चिम विश्वविद्यालयको दोस्रो दीक्षान्त समारोहमा कञ्चनपुर जाने भएका छन् । विश्वविद्यालयका कुलपति समेत रहेका देउवा शुक्रबार सुदूरपश्चिम विश्वविद्यालयको दोस्रो दीक्षान्त समारोहमा सहभागी हुन सुदूरपश्चिम जान लागेका हुुन् ।
दीक्षान्त समारोहमा प्रधानमन्त्री एवम् सुदूरपश्चिमाञ्चल विश्व विद्यालयका कुलपति शेरबहादुर देउवा, शिक्षामन्त्री लगायतको सहभागिता रहने छ । समारोहमा कुमाउ विश्वविद्यालयका कुलपति प्रो।एसके जोशी पनि आउन लागेका सुदूरपश्चिमाञ्चल विश्वविद्यालयले जनाएको छ ।
त्यसैगरी सो समारोहमा ‘ग्रेस लिस्ट’मा रहेका एक हजार ५५८ विद्यार्थी दीक्षित हुनेछन् । विश्वविद्यालयका सूचना अधिकारी सन्तोष विष्टले दोस्रो दीक्षान्त समारोह विश्वविद्यालयको केन्द्रीय कार्यालयमा हुने बताए ।
