जाजरकोट। कुशे गाउँपालिका वडा नं ७ वडाध्यक्ष मुनबहादुर घर्तीको मृत्यु भएको छ।
शनिवार घरमै वडाध्यक्ष घर्तीको मृत्यु भएको पारिवारिक स्रोतले जानकारी गराएको छ।
कुशे गाउँपालिकाका अध्यक्ष हरिचन्द्र बस्नेतले आफ्नै घर कुशे ७ समाइलामा ओछ्यानमा घर्ती मृत अवस्थामा भेटिएको जानकारी दिए। मृत्युको कारण खुल्न सकेको छैन।
गत वैशाख ३० गते भएको स्थानीय तहको निर्वाचनमा उहाँ नेकपा (माओवादी केन्द्र)बाट निर्वाचित भएका थिए।
नेकपा माओबादी केन्द्र जाजरकोटका संयोजक टेकबहादुर रावलले वडा अध्यक्ष घर्तीको मत्युको खबरले ज्याँदै दुःखी बनाएको साथै पार्टीलाई क्षति पुगेको बताए।
