तनहुँ । तनहुँमा ९ जना जुवाडे पक्राउ परेका छन् । प्रहरीले तनहुँको शुक्लागण्डकी नगरपालिका ७ खैरेनीटारबाट ९ जना जुवाडेलाई पक्राउ गरेको हो ।उनीहरुलाई जुवातास खेलिरहेको अवस्थामा रंगेहात पक्राउ गरिएको हो ।
उनीहरुको साथबाट १ लाख ११ हजार ५ सय ५५ रुपैयाँ समेत बरामद गरिएको प्रहरीले जनाएको छ ।
प्रहरीले गोप्य सूचनाका आधारमा जुवाडेलाई पक्राउ गरिएको जनाएको छ । उनीहरुमाथि थप कारवाही तथा अनुसन्धान अघि बढाइएको छ ।
