काठमाडौं। नेकपा एमालेका केन्द्रीय सदस्य तथा व्यवसायी दुर्गा प्रसाईंले यूएईका राजकुमारले उपहारमा दिएको ‘सुनको लौरो’ राज्यलाई दिने घोषणा गरेका छन्।
बीएन्डसी मेडिकल कलेजका सञ्चालकसमेत प्रसाईलाई शनिबार दुबईका राजकुमार शेख मोहम्मद माक्तुम जुमा ला माक्तुमले सुनको लौरो उपहार दिएका थिए। आइतबार प्रसाईले उक्त लौरो राज्यलाई उपहार दिने बताएका छन्।
उनले यसबारे आफूले गृहमन्त्री बालकृष्ण खाँणसँग पनि कुरा गरेको बताए।
त्यस्तै, उनले संयुक्त अरब इमिरेट्स (दुबई)मा मेडिकल कलेज खोल्ने घोषणा गरे।
झापाको बिर्तामोडस्थित बिएण्डसी अस्पतालमा आइतबार आयोजित कार्यक्रममा प्रसाईँले दुबईमा पाँच सय डाक्टर पढाउने मेडिकल कलेज र २५ सय नर्स पढाउने नर्सिङ कलेज स्थापना गर्ने घोषणा गरे।
