काठमाडौं। नेपाली कांग्रेस (बीपी)का सुदर्शन सिटौला, दीपक कार्की लगायतका केन्द्रीय नेता राष्ट्रिय प्रजातन्त्र पार्टी (राप्रपा) प्रवेश गरेका छन्।
पार्टी अध्यक्ष राजेन्द्र लिङ्देनले कांग्रेस (बीपी) का झण्डै दुई दर्जन नेताहरुलाई पार्टीको सदस्यता प्रदान गर्दै राप्रपामा स्वागत गरे।
कांगेस (बीपी) का केन्द्रीय सदस्य गोपाल श्रेष्ठ, ध्रुव थापा, झविन्द्रराज आचार्य, गोपाल सापकोटा, सीता बस्नेत, सुशीलकुमार कार्की, विनोद हमाल, प्रकाश ज्ञवाली, लोकबहादुर कार्की लगायतका नेताहरु राप्रपा प्रवेश गरे।
अध्यक्ष लिङ्देनले देश र धर्म जोगाउने पार्टीको अभियानमा प्रवेशीहरु समाहित भएको प्रतिक्रिया दिए।
