झापा। १४ वर्षीया बालिकालाई बालयौन दुरुपयोग गरेको आरोपमा एकजना पक्राउ परेका छन्।
पक्राउ पर्नेमा मेचीनगर नगरपालिका–१० खयरडाँगी शान्ती टोल बस्ने ३५ वर्षीय संजिव बराल रहेका छन्।
बरालले १४ वर्षीया बालिकालाई मेची अस्पताल धुलाबारीबाट मोटरसाइकलमा राखेर घरतर्फ लाने क्रममा मेचीनगर नगरपालिका–१० नन्दा पेट्रोल पम्प पछाडि लगेर बालयौन दुरुपयोग गरेको प्रहरीले जनाएको छ।
उनले असार ६ गते साँझ बालयौन दुरुपयोग गरेका थिए। उनलाई ईलाका प्रहरी कार्यालय धुलाबारीले बिहीबार साँझ पक्राउ गरेको हो।
यस सम्बन्धमा थप अनुसन्धान भइरहेको प्रहरीले जनाएको छ।
