दाङ । नेपाल–भारत सीतावर्ती क्षेत्रमा दुई नेपाली युवतीमाथि सामूहिक बलात्कार गरेको आरोपमा चार भारतीय पक्राउ परेका छन्।
पक्राउ पर्नेको नाम सार्वजनिक गरिएको छैन। सामूहिक बलात्कारमा परेकी युवतीले भारतीय प्रहरीमा जोहेरी दिएपछि चारजना भारतीय पक्राउ परेका हुन्।
जिल्ला प्रहरी कार्यालय दाङका अनुसार आइतबार बिहान ११ बजे भारतको मनीपुर बजार गएका राजपुर गाउँपालिकाका दुई युवतीमाथि भारतीय युवकहरूले सामूहिक बलात्कार गरेका थिए।
मनिपुर बजारमा जाने क्रममा सीमावर्ती क्षेत्रको दक्षिणतर्फको जंगलमा भारतीय युवाको समूहले दुई युवतीलाई सामूहिक बलात्कार गरेको र अन्य चार युवतीलाई लुटपाट गरेको जिल्ला प्रहरी कार्यालय दाङका प्रहरी नायव उपरीक्षक मुकुन्दप्रसाद रिजालले बताए।
प्रहरीले घटनाबारे थप अनुसन्धान गरिरहेको छ।
