काठमाडौं। पछिल्लो २४ घण्टामा ५५ जनामा कोरोना सङ्क्रमण पुष्टि भएको छ।
स्वास्थ्य तथा जनसङ्ख्या मन्त्रालयका अनुसार २४ घण्टामा एक हजार ५३२ जनाको पीसीआर परीक्षण गर्दा ३६ जना र एक हजार १६६ जनाको एन्टीजेन परीक्षण गर्दा थप १९ जना गरी ५५ जनामा कोरोना सङ्क्रमण पुष्टि भएको हो।
२४ घण्टामा १७ जना डिस्चार्ज भएका छन् भने मृत्युदर शून्य छ।
अहिले देशभर २८० जना सक्रिय सङ्क्रमित छन्।
पछिल्ला दिनहरुमा दैनिक सङ्क्रमण बढ्दै गएको छ।
