सिन्धुली। हत्या गरेको आरोपमा एक युवती पक्राउ परेकी छन्।
पक्राउ पर्नेमा घ्याङलेख गाउँपालिका–३ तामाजोर बस्ने ३५ वर्षीया मायारानी थिङ रहेकी छन्। उनलाई कमलामाई नगरपालिका–६ धुरा बस्ने सुमन बिकको हत्या गरेको आरोपमा प्रहरीले आइतबार राति पक्राउ गरेको हो।
लोकतान्त्रिकचोक नजिक डाँफे होटल एण्ड लजमा दुई जनाबिच झै–झगडा हुँदा मायारानीले सुमन बिकको घाँटी थिचेर हत्या गरेको जिल्ला प्रहरी कार्यालय सिन्धुलीले जनाएको छ।
यस सम्बन्धमा प्रहरीले थप अनुसन्धान गरिरहेको जनाएको छ।
