काठमाडौं। सत्तारुढ दल नेकपा (माओवादी केन्द्र) को सांगठानिक प्रस्तावको जिम्मा पार्टी अध्यक्ष पुष्पकमल दाहाल प्रचण्डलाई दिइएको छ।
मंगलबार खुमलटारमा बसेको पार्टीको केन्द्रीय कार्यालय बैठकले सो निर्णय गरेको अध्यक्ष दाहालका प्रेस संयोजक सूर्यकिरण शर्माले जानकारी दिए।
उनले भने, ‘पार्टीको केन्द्रीय समितिको बैठक चलिरहेको छ, पोलिट्ब्यूरो, स्थायी समिति र पदाधिकारीको विषयमा सम्पूर्ण जिम्मा अध्यक्षलाई दिएर संगठनात्मक प्रस्ताव तयार गर्ने निर्णय भयो।’ प्रचण्डले केन्द्रीय कार्यालयका सबै सदस्यको सुझावका आधारमा सो प्रस्ताव तयार गर्नेछन्।
माओवादी केन्द्रको आज पनि बस्ने भनिएको केन्द्रीय समितिको बैठक स्थगितपछि नेताहरु केन्द्रीय कार्यालयको बैठकमा जुटटेका थिए।
आजका लागि माओवादी केन्द्रीय समितिको बैठक स्थगित भएको थियो। उक्त बैठक बुधबार दिउँसो १ बजे बस्नेछ।
