काठमाडौं। पछिल्लो २४ घण्टामा ७८ जनामा कोरोना सङ्क्रमण पुष्टि भएको छ।
३ हजार ५१५ जनाको आरटी पिसिआर र एन्टिजेन परीक्षण गर्दा ७८ जनामा कोरोना पुष्टि भएको हो। स्वास्थ्य तथा जनसङ्ख्या मन्त्रालयका अनुसार परीक्षण गरिएकामध्ये २.२१ प्रतिशतमा कोरोना पुष्टि भएको छ।
सङ्क्रमितमध्ये सबैभन्दा बढी काठमाडौंका २२ र ललितपुरका १८ जना छन्। बिहीबार २३ जना सङ्क्रमणमुक्त भएका छन्।
हाल नेपालमा सक्रिय सङ्क्रमितको सङ्ख्या ५०८ पुगेको छ।
सक्रिय सङ्क्रमितमध्ये ५०१ जना होम आइसोलेसन र अस्पतालको आइसियुमामा सातजना उपचाररत रहेका छन्। त्यस्तै, एकजना बिरामीको भेन्टिलेटरमा उपचार हुँदै आएको छ।
पछिल्लो केही दिनदेखि नेपालमा कोरोना सङ्क्रमणदर बढ्दै गएको मन्त्रालयले जनाएको छ।
बुधबार ११३, मङ्गलबार ९०, सोमबार ४० आइतबार ५३ जनामा कोरोना पुष्टि भएको थियो।
