काठमाडौं। बलात्कार आरोपमा ललितपुरमा दुईजना पक्राउ परेका छन्।
२४ वर्षीया महिलालाई बलात्कार गरेको आरोपमा महालक्ष्मी नगरपालिका–४ ईमाडोल सेतीपाखा बस्ने सप्तरी कन्चनरुप नगरपालिका–१० घर भएका २५ वर्षीय मोआत हुसेन र मोरङको बढिगंगा गाउँपालिका–५ घर भएका ३५ वर्षीय ईलिभास मिया पक्राउ परेका छन्।
उनीहरूले ती महिलालाई ईमाडोल सेतीपाखास्थित निजहरूको डेरा कोठामा लगी बलात्कार गरेको प्रहरीले जनाएको छ। प्रहरी वृत्त कीर्तिपुरबाट खटिएको प्रहरीले दुवैजनालाई गोदावरी नगरपालिका–१ गोदामचौरबाट पक्राउ गरेको हो।
त्यस्तै, बलात्कार आरोपमा एकजना पक्राउ परेका छन्।
पक्राउ पर्नेमा धादिङ निलकण्ठ नगरपालिका–१४ घर भई हाल काठमाडौं सामाखुसी बस्ने ३२ वर्षीय टिकाराम नेपाली रहेका छन्।
उनले ठमेलस्थित होटलमा २६ वर्षीया महिलालाई बलात्कार गरेको प्रहरीले जनाएको छ।
यस सम्बन्धमा प्रहरीले थप अनुसन्धान गरिरहेको जनाएको छ।
