काठमाडौं। बलात्कार मुद्दामा हद म्याद बढाउने सहमति भएको छ।
शुक्रबार संसदको कानुन, न्याय तथा मानवअधिकार समितिमा बलात्कार मुद्दामा हद म्याद बढाउने सहमति भएको हो।
समितिमा बालिगको एक वर्ष र नाबालिगको हकमा २ वर्ष हद म्याद बढाउन सहमति भएको छ।
बलात्कारमा परेका नाबालिगले बालिग भएको ३ वर्षपछि अर्थात् २१ वर्षको उमेर हुँदासम्म उजुरी दिन सक्ने प्रस्ताव गरिएको हो।
अपराध संहितामा एक वर्षमात्र हद म्यादको व्यवस्था छ ।
