बाजुरा । बाजुराको बुढीगंगा नगरपालिकाको मतगणना जारी छ। अहिलेसम्म १ हजार मतको गणना सकिएको बुढीगंगाको निर्वाचन अधिकृतको कार्यालयका कम्प्युटर अपरेटर भरतप्रसाद उपाध्यायले जानकारी दिए।
उनका अनुसार अहिले वडा नं १ र १० को मतगणना भैरहेको छ। १ हजार मतको गणना सकिएकोमा एमालेले मेयरमा ५२० मत ल्याउँदै अगाडि रहेको छ। कांग्रेस ४२७ मतका साथ दोस्रो स्थानमा छ। उपमेयरमा एमालेले ५१५ मत ल्याएको छ भने कांग्रेसले ४३५ मत पाएको छ।
यहाँ मेयरका लागि नेपाली कांग्रेसबाट रंगबहादुर खाती र एमालेबाट रामबहादुर बानियाँ उम्मेदवार छन्। उपमेयरमा कांग्रेसबाट रिता शाही शाह र एमालेबाट मायाकुमारी खड्का कुँवर उम्मेदवार छन्।
