काठमाडौं। नेपाली कांग्रेसका नेता शेखर कोइराला पक्षले सरकारका कामबारे गम्भीर समीक्षा हुनुपर्ने माग गरेको छ।
आइतबार बसेको उक्त समूहको पदाधिकारी र केन्द्रीय सदस्यहरूको भेलाले सरकारका कामबारे गम्भीर समीक्षा हुनुपर्ने माग गरेको हो।
नेता चन्द्र भण्डारीले बैठकमा सरकार र पार्टीका काम समीक्षा हुनुपर्ने विषयमा छलफल भएको जानकारी दिए।
उनले निर्वाचन, सरकारका काम, बजेट, भ्रष्टाचारका विषयमा समीक्षा हुनुपर्ने छलफल भएको बताए।
उनका अनुसार पार्टीलाई विधिअनुसार चलाउने र कसरी मजबुद बनाउने भन्ने विषयमा पनि छलफल भएको छ।
उनले आगामी निर्वाचनमा पार्टीलाई बढी फाइदा हुने गरी गठबन्धन गर्नुपर्ने बताए।
कांग्रेस केन्द्रीय समिति बैठक सोमबारदेखि सुरू हुँदैछ। त्यसअघि कोइराला पक्षको बैठक बसेको हो।
