काठमाडौं। पछिल्लो २४ घण्टामा १७७ जनामा कोरोना सङ्क्रमण पुष्टि भएको छ ।
एक हजार ८०५ जनाको आरटी पिसिआर गर्दा १४४ जनामा र एक हजार ३२१ जनाको एन्टिजेन परीक्षण गर्दा ३३ जना गरी १७७ जनामा कोरोना सङ्क्रमण पुष्टि भएको स्वास्थ्य मन्त्रालयले जनाएको छ। नेपालमा पछिल्लो केही दिनदेखि कोरोना बढ्दै गइरहेको छ।
मङ्गलबार परीक्षण गरिएकामध्ये ५.६६ प्रतिशतमा कोरोना पुष्टि भएको छ। सङ्क्रमितमध्ये सबैभन्दा बढी ९० जना काठमाडौंमा छन्।
२४ घण्टामा ४१ जना सङ्क्रमणमुक्त भएका छन्। सोही समयमा कुनै पनि सङ्क्रमितको मृत्यु नभएको मन्त्रालयले जनाएको छ।
हाल देशभर सक्रिय सङ्क्रमितको सङ्ख्या ८७३ रहेको छ। शून्य सङ्क्रमित भएका जिल्ला १४ छन्। सक्रिय सङ्क्रमितमध्ये ८५३ जना होम आइसोलेसनमा, २० जना अस्पतालमा उपचाररत छन् ।
अस्पतालमा उपचाररत बिरामीमध्ये ११ जना आइसीयू र एक जना भेन्टिलेटरमा छन्।
यसअघि सोमबार १६८ जना सङ्क्रमित थपिएका थिए।
