काठमाडौं। पछिल्लो २४ घण्टामा २०६ जनामा कोरोना भाइरस संक्रमण पुष्टि भएको छ।
दुई हजार ८२ पीसीआर परीक्षणमा १७७ जना र एक हजार ९३एन्टिजेन परीक्षण गर्दा २९ जना गरी २०६ जनामा संक्रमण पुष्टि भएको स्वास्थ्य मन्त्रालयले जानकारी दिएको छ।
योसँगै नेपालमा कोरोना भाइरसका सक्रिय संक्रमितको संख्या १००५ पुगेको छ। बुधबार ४५ जना निको भएका छन्।
आज उपत्यकामा १२५ जनामा सङ्क्रमण पुष्टि भएको छ। काठमाडौंमा १००, ललितपुरमा १८ र भक्तपुरमा ७ सङ्क्रमित भेटिएका छन्।
काठमाडौं उपत्यकामा मात्रै सक्रिय सङ्क्रमितको सङ्ख्या ६९४ छ। होम आइसोलेनमा ९८४ र संस्थागत आइसोलेनमा २१ छन्। सोमध्ये १२ जना आइसियू र एक जनाको भेन्टिलेटरमा उपचार भइरहेको मन्त्रालयले जनाएको छ।
न्त्रालयका सहप्रवक्ता डा समिरकुमार अधिकारीले अहिले विश्वभर कोरोना भाइरसको ‘बिए–५’ भेरियन्ट फैलिएकोले सङ्क्रमणबाट बच्न जनस्वास्थ्यको मापदण्ड पालना गर्न आग्रह गरे।
