सिन्धुपाल्चोक। बुधबारदेखि बेपत्ता बालकको शव भेटिएको छ ।
पाँचपोखरी थाङ्पाल गाउँपालिका–६ स्थित हाँडिखोला धापका १२ वर्षीय अनुज बस्नेतलाई नदीले बगाएपछि बेपत्ता भएका थिए।
बालकको शव आज हाँडिखोला र ईन्द्रावतीको दोभानमा भेटिएको इलाका प्रहरी कार्यालय मेलम्चीका प्रहरी निरीक्षक उत्तम सिंह भण्डारीले जानकारी दिए।
उनले बर्खाको समयमा नदी तथा खबरे खोला आसपास नजानसमेत आग्रह गरे। उनले अहिले पनि खेल्ने, नुहाउने, माछा मार्नेलगायतको बाहानामा बालबालिका तथा अन्य मानिस खोलामा जाने गरेको बताए।
