काठमाडौं। पछिल्लो २४ घण्टामा थप १३५ जनामा कोरोना भाइरस संक्रमण पुष्टि भएको छ।
३ हजार ४१ नमुना परीक्षणमा १३५ जनामा संक्रमण पुष्टि भएको स्वास्थ्य मन्त्रालयले जनाएको छ।
योसँगै नेपालमा कोरोना संक्रमितको कुल संख्या ११ लाख २२ हजार ३३६ पुगेको छ।
आज ५९ जना संक्रमित निको भएका छन्। हालसम्म ९८.६ प्रतिशत संक्रमित निको भइसकेका छन्।
आइतबार कोरोना संक्रमणबाट एकजनाको मृत्यु भएको छ। योसँगै नेपालमा कोरोनाबाट मृत्यु हुनेको संख्या ११ हजार ९५३ पुगेको मन्त्रालयले जनाएको छ।
हाल देशभर १४३९ सक्रिय संक्रमित पुगेका छन्।
