काठमाडौं। नेकपा माओवादी केन्द्रका अध्यक्ष प्रचण्डले समाजवादी केन्द्र निर्माणबारे केही दिनमै निर्णय हुने बताएका छन्।
आज जनकपुरमा पत्रकारसँग कुरा गर्दै प्रचण्डले समाजवादी केन्द्र निर्माणबारे केही दिनमै निर्णय हुने बताएका हुन्।
उनले गठबन्धनमा रहेका वामपन्थी समूहसँग छलफल भइरहेको र हाल वामदेव गौतम पनि छलफलमा मिसिएको बताए।
उनले गठबन्धनमा रहेका वामपन्थी पार्टीबीच चुनावी मोर्चा वा पार्टी एकताका लागि संयोजन समिति बन्न सक्ने र त्यसबारे केही दिनमा निर्णयमा पुग्ने बताए।
प्रचण्डले तत्कालीन नेकपाका बहुमत सचिवालय सदस्यसहित उपेन्द्र यादव र बाबुराम भट्टराई समेटेर समाजवादी केन्द्र बनाउने प्रयास भइरहेको बताए।
उनले संसदबाट शुक्रबार पारित नागरिकता विधेयकको समाचार जनकपुर पुगेर सुनाउन पाएकोमा खुसी व्यक्त गरे। त्यसले नागरिकता नपाएर समस्यामा परेका ६–७ लाख नागरिकको समस्या समाधन भएको उनले बताए। उनले नागरिकता विधेयक तुरुन्तै कार्यान्वयनमा आउने बताए।
उनले दिल्ली भ्रमणको क्रममा प्रधानमन्त्री पत्नी आरजु देउवालाई प्रधानमन्त्री बनाउने विषयमा कुनै कुरा वा सहमति नभएको तर हल्ला फैलाइएको छ।
