पर्सा। चार वर्षीया बालिकाको बलात्कारपछि हत्या गरेको आरोपमा तीनजना पक्राउ परेका छन्।
पक्राउ पर्नेका वीरगंज महानगरपालिका–२ बस्ने १९ वर्षीय जफ्रुदीन भन्ने सलमान खान, सोही महानगरपालिका–१६ बस्ने १८ वर्षीय किशोर र १२ वर्षीय बालक रहेका छन्। घटनामा संलग्न हाल फरार १ जनाको खोजी भइरहेको छ।
ती बालिका बिहीबार साँझदेखि हराएकी थिइन्। जिल्ला प्रहरी कार्यालय पर्साबाट खटिएको प्रहरीले खोजी गर्ने क्रममा वीरगंज महानगरपालिका–२ छप्कैयास्थित खाली जग्गाको झाडीमा ती बालिकाको शव फेला पारेको थियो।
घटनाको थप अनुसन्धानको क्रममा घटनामा संलग्न १२ वर्षीय बालकलाई पक्राउ गरी थप सोधपुछको क्रममा निज बालक र अन्य ३ जनाको संलग्नतामा ती बालिकाको बलात्कारपछि हत्या गरेको खुल्न आएको प्रहरीले जनाएको छ।
प्क्राउ परेकाविरुद्व जबरजस्ती करणी तथा ज्यान सम्बन्धी कसूरमा जिल्ला अदालत पर्साबाट ५ दिन म्याद थप अनुमति लिई आवश्यक अनुसन्धान भइरहेको छ।
