काठमाडौं । समाजसेवी तथा युवा व्यवसायी एवं गीतकार नारायण रेग्मीको शब्द रचना रहेको तीज गीत ‘आइफोन हरायो’ सार्वजनिक भएको छ । गत बुधवार मात्रै सार्वजनिक गरिएको उक्त तिजगीतले युटुवमा राम्रो शुरूवात गरेको छ ।
‘आइफोन हरायो’ मा संगीतकार लक्ष्मण पोखरेलको संगीत र चर्चित गायीका एलिना चौहानको स्वर रहेको छ । रेग्मीको शब्द रचनालाई अर्जुन नेपालीको एरेन्ज रहेको छ भने मनोज डङ्गोलले मिक्सिङ गरेका छन् । सो गीतको रेकर्डडिस्टमा जिवन बडू छन् ।
‘आइफोन हरायो’ गीतको म्युजिक भिडियोमा बिना राउत, नारायण रेग्मी, कुम्भ वहादुर कुँबर लगायतकाले अभिनय गरेका छन्। भिडियो प्रकाश कडेलले निर्देशन गरेका हुन् ।
लायन्स क्लब अफ काठमाडौं सिद्धार्थ गौतम बुद्धका अध्यक्ष समेत रहेका सफल युवा उद्यमी नारायण रेग्मी साहित्य साधनामा समेत तल्लिन रहदै आएका छन् । जसको साहित्यिक नाउँ शुन्य मानव रहेको छ । गीत र कविता कोर्नमा उनको बिशेष रुची रहने गरेको छ ।
