काठमाडौं। नेकपा (माओवादी केन्द्र) का अध्यक्ष प्रचण्ड पाँचदिने भ्रमणमा जापान जाने भएका छन्।
स्वकीय सचिव रमेश मल्लका अनुसार प्रचण्ड साउन २१ गते जापान जान लागेका हुन्। प्रचण्ड जापानमा नेपाली जनप्रगतिशील मञ्चको कार्यक्रममा सहभागी हुनेछन्।
प्रचण्डले राजनीतिक भेटघाट गर्नेबारे टुंगो नलागेको र परराष्ट्र मन्त्रालय र टोकियोस्थित नेपाली दूतावासबाट परामर्श भइरहेको मल्लले बताए।
प्रचण्ड असार अन्तिममा भारत भ्रमणमा गएका थिए। उनले छिट्टै चीन भ्रमणमा जाने बताउँदै आएका छन्। तर, चीन भ्रमणको टुंगो लागेको छैन।
