काठमाडौं। पछिल्लो २४ घण्टामा ५६४ जनामा कोरोना सङ्क्रमण पुष्टि भएको छ भने एक जनाको मृत्यु भएको छ ।
स्वास्थ्य तथा जनसङ्ख्या मन्त्रालयका अनुसार कुल चार हजार ४५४ कोरोना परीक्षण गर्दा ५६४ जनामा सङ्क्रमण पुष्टि भएको हो।
आज काठमाडौंमा २१८ , ललितपुरमा ४१ र भक्तपुरमा १७ गरी उपत्यकामा कुल २७६ जनामा कोरोना पुष्टि भएको छ ।
त्यस्तै, पछिल्लो २४ घण्टामा २०२ जना सङ्क्रमणमुक्त भएका छन् ।
हाल देशभर ३ हजार ९२९ सक्रिय सङ्क्रमित छन्।
