काठमाडौं। पछिल्लो २४ घण्टामा ७१० कोरोना भाइरस संक्रमित थपिएका छन्।
५ हजार २५ नमुना परीक्षण गर्दा ७१० कोरोना भाइरस संक्रमित थपिएको स्वास्थ्य मन्त्रालयले जनाएको छ। परीक्षण गरिएकामध्ये १४.१० प्रतिशतमा कोरोना पुष्टि भएको छ ।
सङ्क्रमितमध्ये सबैभन्दा बढी काठमाडौं उपत्यकामा २४९ जनामा कोरोना पुष्टि भएको छ। जसमा काठमाडौंमा २४४, भक्तपुरमा १६ र ललितपुरमा ६४ जना सङ्क्रमित भएका छन्।
त्यस्तै, पछिल्लो २४ घण्टामा कोरोनाबाट थप २ जनाको मृत्यु भएको छ। योसँगै कोरोना संक्रमणबाट मृत्यु हुनेको संख्या ११ हजार ९६२ पुगेको छ।
हाल देशभर ४ हजार ३३६ सक्रिय संक्रमित छन्।
