काठमाडौँ । पछिल्लो २४ घण्टामा नेपालमा ३ हजार ६९९ नमुना परीक्षणमा ४३८ जनामा कोरोना भाइरस संक्रमित फेला परेका छन् ।
स्वास्थ्य तथा जनसंख्या मन्त्रालयले शनिबार सार्वजनिक गरेको तथ्यांकअनुसार १ हजार ७७९ पीसीआरमा २९२ र १ हजार ९२० एन्टीजेन परीक्षणमा १४६ जनामा संक्रमण पुष्टि भएको हो ।
पछिल्लो २४ घण्टामा २७७ जना संक्रमणमुक्त भएका छन् भने २ जनाको मृत्यु भएको छ । शनिबारसम्म सक्रिय संक्रमितको संख्या ४ हजार ३६९ पुगेको मन्त्रालयको तथ्यांकमा उल्लेख छ । २४ घण्टामा ५८ हजार ५५९ जनाले खोप लगाएका छन् ।
