काठमाडौँ । पूजा शर्मा र आकाश श्रेष्ठको मुख्य भूमिका रहेको फिल्म ‘सम्हालिन्छ कहिले मन’को ट्रेलर सार्वजनिक भएको छ। सुदर्शन थापाको निर्देशनमा बनेको फिल्मको ट्रेलर शुक्रबार सार्वजनिक भएको हो।
फिल्मको ट्रेलरमा पूजा र आकाशको प्रेमका बीचमा अभिनता सुनम तोप्देनको प्रवेश भएको देखाइएको छ।
फिल्मलाई एबी इन्टरनेसनलको ब्यानरमा निर्माण गरिएको हो। महेश दवाडीले लेखेको पटकथामा आधारित फिल्ममा शर्मा, श्रेष्ठ र तोप्देनबाहेक सरोज खनाल, धिरेन शाक्य, गौरी मल्ललगायतका कलाकारको पनि अभिनय रहेको छ। फिल्म भदौ १७ गतेबाट सिनेमा हलमा प्रदर्शनमा आउने छ।
