काठमाडौं। पछिल्लो २४ घण्टामा ५५३ जनामा कोरोना भाइरस संक्रमण पुष्टि भएको छ।
३ हजार ७८९ नमुना परीक्षणमा ५५३ जनामा संक्रमण पुष्टि भएको स्वास्थ्य मन्त्रालयले जनाएको छ।
आज ४३३ जना संक्रमित निको भएका छन्। हालसम्म ९८.२ प्रतिशत संक्रमित निको भइसकेका छन्।
हाल देशभर ५ हजार ६५९ सक्रिय संक्रमित रहेका छन्।
पछिल्लो हप्ता संक्रमित बढिरहेका छन्। तर, आजको तथ्याङकअनुसार संक्रमित घटेको र निको हुने बढेको देखिएको छ।
यसअघि दैनिक ८ सयदेखि एक हजारसम्म संक्रमित फेला पर्ने गरेका थिए।
