काठमाडौं। नेपाली कांग्रेसले पार्टीबाट निर्वाचित जनप्रतिनिधिलाई प्रशिक्षण दिने भएको छ।
कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानले पार्टीबाट निर्वाचित जनप्रतिनिधिलाई साउन ३० र ३१ गते ललितपुरमा प्रशिक्षण दिने मुख्य सचिव कृष्णप्रसाद पौडेलले जानकारी दिए।
उक्त कार्यक्रममा प्रधानमन्त्री तथा कांग्रेसका सभापति शेरबहादुर देउवाको प्रमुख अतिथि रहनेछन्।
अभिमुखिकरण कार्यक्रममा स्थानीय तह निर्वाचन २०७९ मा पार्टीको तर्फबाट निर्वाचित जिल्ला समन्वय समितिका प्रमुख/उपप्रमुख, पालिकाका प्रमुख/उपप्रमुख र अध्यक्ष/उपाध्यक्षहरुलाई अनिवार्य उपस्थिति हुन भनिएको छ।
