वीरगञ्ज। बेवारिसे ट्रकबाट प्रहरील१४३ किलो गाँजा बरामद गरेको छ।
परवानीपुर–सुख्खाबन्दरगाह सडकखण्डअन्तर्गत वीरगञ्ज–२४ बहुअरी चोकमा बेवारिसे अवस्थामा राखिएको युपि ७५ एम ४०८९ नम्बरको ट्रकबाट सशस्त्र प्रहरीले १४३ किलो पाँच सय ग्राम लागूऔषध गाँजा बरामद गरेको हो।
सशस्त्र प्रहरी बल १३ नम्बर गणका सूचना अधिकारी सशस्त्र प्रहरी नायव उपरीक्षक सन्तोषकुमार बस्नेतका अनुसार बेवारिसे ट्रकलाई खानतलासी गर्दा चालकको क्याबिनमाथिको हुडमा १० प्याकेट बनाई लुकाई राखिएको गाँजा भेटिएको हो।
गाँजासहित फेला पारेको ट्रक र बरामद भएको लागूऔषध गाँजा आवश्यक कारबाहीको लागि जिल्ला प्रहरी कार्यालय पर्सामा बुझाइएको छ।
