काठमाडौं। नेकपा (एमाले) का नेता तथा पूर्व गृहमन्त्री खगराज अधिकारीले मंसिर ४ गते हुने संघ र प्रदेशको निर्वाचनमा दलहरु एक्लाएक्लै लडे आफ्नो पार्टीले एक्लै दुई तिहाई बहुमत नल्याए राजनीतिबाट सन्यास लिने घोषणा गरेका छन्।
बिहीबार रिपोर्टर्स क्लब नेपालले आयोजना गरेको साक्षात्कारमा बोल्दै उनले सो कुरा बताएका हुन्।
उनले भने, ‘एक्लाएक्लै लडे कांग्रेसले एक सिटपनि जित्दैन्। अब कांग्रेस एक्लै लड्न नसक्ने भयो। कांग्रेस एक्लै लड्न आओस्, हामी दुई तिहाई भन्दा बढी सिटमा जित्छौं। यदि हामीले दुई तिहाई भन्दा बढी सिट जितेनौं भने म राजनीति छोडिदिन्छु।’
नेता अधिकारीले अहिलेको पाँच दलीय गठबन्धनलाई वित्तिय गठबन्धनको संज्ञा दिए। उनले अहिलेको सरकारको कारण देश जटिल अवस्थामा पुगेको सुनाए।
उनले देशको परराष्ट्र नीतिमा अहिले गम्भीर चूनौति खडा भएको बताए। उनले आफूहरुले सरकार छोड्दा अर्थतन्त्र राम्रो अवस्थामा रहेको दाबी गरे।
