काठमाडौं। नेकपा एमालेले अध्यक्ष केपी शर्मा ओलीको संयोजकत्वमा निर्वाचन घोषणापत्र मस्यौदा कमिटी गठन गरेको छ।
बिहीबार बसेको सचिवालय बैठकले अध्यक्ष ओलीको संयोजकत्वमा ८ सदस्यीय निर्वाचन घोषणापत्र मस्यौदा कमिटी गठन गरेको हो।
घोषणापत्र मस्यौदा कमिटीमा पार्टीका उपाध्यक्षहरु अष्टलक्ष्मी शाक्य, रामबहादुर थापा, विष्णुप्रसाद पौडेल, महासचिव शंकर पोखरेल, उपमहासचिव प्रदीप ज्ञवाली र विष्णु रिमाल रहनेछन्।
बैठकले निर्वाचन परिचालन कमिटी पनि ओलीकै नेतृत्व गठन गरेको प्रचार विभाग प्रमुख पृथ्वीसुब्बा गुरुङले जानकारी दिए। निर्वाचन परिचालन कमिटीमा केन्द्रीय कमिटीका सबै सदस्य, केन्द्रीय निकाय र आयोगका पदाधिकारी, जनसंगठनका अध्यक्ष र महासचिवहरूका साथै पार्टीका प्रदेश कमिटी अध्यक्ष, केन्द्रीय विभागका सचिवहरू रहनेछन्।
बैठकले स्थायी कमिटी बैठक भदौ ७, पोलिट्ब्युरो भदौ ९ र केन्द्रीय समिति बैठक १०–११ गतेका लागि बोलाएको गुरुङले बताए।
