काठमाडौँ । लोकतान्त्रिक समाजवादी पार्टी (लोसपा)का नेता राजेन्द्र महतोले राष्ट्रपतिले नागरिकता विधेयक फिर्ता गरेर मधेसी जनताको भावनामाथि कुठाराघात गरेको आरोप लगाएका छन् ।
केपी ओली सरकारले यही कुरा अध्यादेशमार्फत ल्याउँदा स्वीकृत गरिएको तर सार्वभौम संसदले ल्याएको नागरिकता विधेयक अस्वीकृत गर्नु गलत भएको उनले बताए ।
राष्ट्रपतिबाट नागरिकता विधेयक फिर्ता भएपछि महतोले राष्ट्रपति जनताको कठघरामा उभिनु पर्ने बताए ।संसदबाट पारित विधेयक फिर्ता गर्ने राष्ट्रपतिको संवैधानिक अधिकार भएपनि यसमा विवेक नपुर्याइएको महतोले टिप्पणी गरे ।
राष्ट्रपति भण्डारीले संसदका दुवै सदनबाट पारित भएर आएको नागरिकता विधेयक आइतबार प्रतिनिधिसभामै फिर्ता गरिदिएकी थिइन् ।
यो पनि पढ्नुस् :-
राष्ट्रपति भण्डारीद्वारा नागरिकता विधेयक फिर्ता
एमालेद्वारा नागरिकता विधेयक फिर्ता निर्णयको स्वागत
राष्ट्रपतिको नागरिकता विधेयक फिर्ता गर्ने निर्णय विवेकहीन : कांग्रेस
