काठमाडौँ । सलमान खान र कट्रिना कैफ अभिनित ‘टाइगर ३’ को टीजर सार्वजनिक भएको छ। अघिल्ला दुई सिक्वेलले राम्रो व्यापार गरेको फिल्को तेस्रो सिक्वेलाई दर्शकको विषेश चासो छ ।
आगामी अप्रिल २१ मा रिलिज मिति तया भएको फिल्मको टिजरमा सलमान र कट्रिना दमदार एक्शनका साथ देखिएका छन्।
भरपुर एक्सनले भरिएको फिल्मको टिजर र रिलिज मिति अभिनेत्री कट्रिनाले आफ्नो सामाजिक संजालमा पनि शेयर गरेकी हुन्। फिल्म हिन्दी, तमिल र तेल्गुमा रिलिज हुनेछ।
‘टाइगर ३’लाई मनिष शर्माले निर्देशन गरेका हुन् । फिल्मको छायांकन हालै दिल्ली र आसपासका क्षेत्रमा पूरा गरिएको हो । यसअघि यो फिल्मलाई रुस र टर्कीमा पनि खिचिएको छ ।
‘टाइगर ३’मा अभिनेता इमरान हासमी पनि मुख्य भूमिकामा देखिंदैछन् । यसका अघिल्ला सिरिज सन् २०१२ मा ‘एक था टाइगर’ र त्यसपछि ‘टाइगर जिन्दा है’ रिलिज भएका थिए ।
