काठमाडौं। बञ्चरेडाँडामा फोहोर बोकेका गाडीमा अवरोध गर्नेमाथि प्रहरीले हवाई फायर गरेको छ।
मंगलबार दिउँसो बञ्चरेडाँडामा फोहोर बोकेका गाडीमा अवरोध गर्नेमाथि ५ राउण्ड हवाई फायर गरेको प्रहरीले जनाएको छ।
मंगलबार दिउँसो काठमाडौंबाट लगिएको फोहोरका गाडीलाई स्थानीयले रोकेका थिए।
स्थानीयलाई सम्झाउँदा पनि नमानेपछि र प्रहरीमाथि ढुंगामुढा गरेपछि ५ राउन्ड हवाई फायर गरेको जिल्ला प्रहरी परिसर काठमाडौंका प्रहरी उपरीक्षक दिनेशराज मैनालीले जानकारी दिए।
प्रहरीले मकैबारी र धानखेतमा रहेको आन्दोलनकारी लखेटेपछि फोहोरका गाडी केही अगाडि बढेका थिए। तर, डाँडामा रहेका स्थानीयबासिन्दाले ढुंगा र गुलेली हानेपछि तनावको स्थिति सिर्जना भएको हो।
