काठमाडौं। नागरिकता (पहिलो संशोधन) विधेयक, २०७९ माथि प्रतिनिधिसभामा छलफल भइरहेको छ।
प्रतिनिधिसभाको आजको बैठकमा गृहमन्त्री बालकृष्ण खाणले बिहीबार विधेयकमाथि पुनःविचार गरियोस् भन्ने प्रस्ताव पेस गरेको थिए।
उक्त विधेयकमाथि ६ घण्टादेखि छलफल भइरहेको छ। विधेयकमा करिब ७७ जना सांसदले आफ्नो धारणा राखेका छन्।
नागरिकता, २०६३ लाई संशोधन गर्न बनेको विधेयक, २०७९ लाई प्रतिनिधिसभा र राष्ट्रियसभाबाट पारित गरी प्रमाणीकरणका लागि गत साउन १६ गते राष्ट्रपतिसमक्ष पठाइएको थियो।
राष्ट्रपति भण्डारीले नेपालको संविधानको धारा ११३ को उपधारा (२) बमोजिम प्रमाणीकरणका लागि पेश हुन आएको उक्त विधेयक संसद्बाट पुनःविचार हुन आवश्यक देखिएको भन्दै गत साउन २९ गते प्रतिनिधिसभामा फिर्ता पठाएकी थिइन्।
नेपाल नागरिकता (पहिलो संशोधन) विधेयक, २०७९ लाई एमालेको विरोधका बीच आजै पारित गर्ने तयारी छ।
सम्बन्धित समाचारः
नागरिकता विधेयकः राष्ट्रपतिसमक्ष पुनःपेश भए के हुन्छ?
