काठमाडौँ । गायिका रचना रिमालले झापामा चारकोठे पक्की घर ठड्याउँदै आफ्नो एउटा सपना पूरा भएको बताएकी छन् ।
सामाजिक सञ्जालमा नयाँ घरको आँगनमा आफू उभिएको तस्वीर सार्वजनिक गर्दै उनले सांगीतिक क्षेत्रबाटै कमाएको रकमले आफूले कल्पना नगरेको सपना पूरा गरेको उल्लेख गरेकी छन् ।
‘सानैदेखि बाबाममीलाई एउटा घर बनाएर राख्ने सपना थियो, सांगीतिक क्षेत्रबाटै यो सपना पूरा गर्छु भन्ने कल्पना नै थिएन । तर, हजुरहरू सबैको माया र आशीर्वादले गर्दा आज मेरो एउटा सपना पूरा भएको छ’, उनले लेखेकी छन् । रचनाका अनुसार चन्द्रगढी झापामा पुरानो घर भएको ठाँउमा नै उनले चारकोठे पक्की घर बनाएकी हुन् ।
‘बाबाममी यही घरमा बस्दै हुनुहुन्छ । माया, साथ, हौसला र आशीर्वाद दिनुहुने सबैमा नतमस्तक छु । सदैव यही क्षेत्रमा रही सत्कर्म गर्नेछु ’, रचनाले लेखेकी छन् ।
