दोलखा। जिरी नगरपालिकामा एक दम्पती मृत फेला परेका छन् ।
जिरी नगरपालिका–८ आहालेका अन्दाजी ५६ वर्षीय हर्क बहादुर जिरेल र उनकी श्रीमती अन्दाजी ५२ वर्षीया कृष्ण कुमारी जिरेल मृत अवस्थामा फेला परेको जिल्ला प्रहरी कार्यालय दोलखाले जनाएको छ।
श्रीमान् आफ्नै १ तले घरको सुत्ने कोठाको दलिनमा पासो लगाइ झुन्डिएको अवस्थामा र श्रीमती घरदेखि एक हजार पाँच सय मिटरमा रहेको बोक्से भिरबाट लडेर मृत अवस्थामा फेला परेको जिल्ला प्रहरी कार्यालय दोलखाका प्रहरी निरिक्षक राजेश सिग्देलले बताए।
दुबै जनाको शबलाइ पोष्टमार्टमका लागि जिल्ला अस्पताल जिरीमा लगिएको छ। घटनाबारे थप अनुसन्धान भइरहेको दोलखा प्रहरीले जनाएको छ।
