काठमाडौं। अवैध रूपमा ल्याएको सुनजस्तो देखिने अर्धठोस वस्तुसहित एकजना भारतीय पक्राउ परेका छन्।
पक्राउ पर्नेमा भारतीय नागरिक राहादानी नम्बर भी११२२८९० वाहक ३१ वर्षीय राहुल रेमानान रहेका छन्। उनलाई शनिबार बिहान त्रिभुवन अन्तर्राष्ट्रिय विमानस्थलको आगमन गेटबाट प्रहरीले पक्राउ गरेको हो।
उनी फ्लाई दुबईको उडानमा दुबईबाट काठमाडौं आएका थिए। राहुललाई शंका लागि प्रहरीले नियन्त्रणमा लिएर काठमाडौं मेडिकल कलेजमा एक्स–रे गराउँदा पेटभित्र शंकास्पद वस्तुको आकृति देखिएको थियो।
पुनः प्रहरी वृत्त गौशालामा लगेर शौच गराउँने क्रममा मलद्वारबाट बेलनाकार सुनजस्तो देखिने अर्धठोस वस्तुको ४ वटा पोका फेला परेपछि उनलाई पक्राउ गरिएको प्रहरीले जनाएको छ।
