काभ्रे। बनेपास्थित चारदोबाटोमा गाडी तोडफोड गर्न खोज्ने बन्दकर्तालाई स्थानीयको कुटाइ खाएका छन्।
नेत्रविक्रम चन्द ‘विप्लव’ नेतृत्वको नेकपासहित चार दलले आह्वान गरेको बन्दका क्रममा गाडी तोडफोड गर्ने बन्दकर्ताले स्थानीयको कुटाइ खाएका हुन्।
सामाजिक सञ्जालमा सार्वजनिक भिडिओमा एक बन्दकर्तालाई स्थानीयले कुटेको देखिन्छ। त्यसपछि बन्द गराउन सडकमा निस्किएका बन्दकर्ता र नेपाल प्रहरीबीच घम्साघम्सी भएको थियो। प्रहरीले केही बन्दकर्तालाई पक्राउ समेत गरेको छ।
कुटपिटपछि स्थानीयले बन्दकर्तालाई प्रहरीको जिम्मा लगाएका छन्।
उनलाई थप अनुसन्धानका लागि जिल्ला प्रहरी कार्यालयमा राखिएको छ।
सम्बन्धित समाचारः कहाँ कस्तो छ नेपाल बन्दको प्रभाव ? (अपडेट)
