चितवन। नेपाली कांग्रेसका नेता शशांक कोइरालाले आगामी संघको निर्वाचनमा सय सिट पाउनुपर्ने दाबी गरेका छन्।
आज उनले भरतपुर विमानस्थलमा पत्रकारहरुसंँग कुरा गर्दै सत्य र यर्थातको आधारमा नै कांग्रेसले सय सिट माग गरेको बताए।
उनले भने, ‘स्थानीय निर्वाचन विजयको आधारमा कांग्रेसले सय सीट पाउनुपर्दछ। सत्यको आधारमा कांग्रेसले कम्तीमा सय सिट नभएपनि नेगोसियसनमा ९५ सिट हामीले पाउनुपर्दछ।’
अन्य दलको अस्तित्व नरहेको भन्दै उनले उनीहरूले सत्यको आधारमा निर्णय गर्नुपर्ने बताए। सिटको भागवण्डा नमिल्दा गठबन्धन निरन्तर जाला त भन्ने प्रश्नमा उनले भने, ‘मान्नै पर्छ, अन्य विकल्प नै छैन।’
कतिपय ठाउँमा गठबन्धनको अस्तित्व नरहेको कारण पनि कांग्रेसले सय सिट पाउनु पर्ने उनको भनाई छ।
