कपिलवस्तु। मायादेवी गाउँपालिका–६ मदरहवा गाउँमा गोली हानेर एकजनाको हत्या गरिएको छ।
५५ वर्षीय घुरहु भनिने राम समुझ पासीको गोली हानेर एकजनाको हत्या गरिएको हो।
गोली प्रहारबाट घाइते उनको तौलिहवा अस्पताल लैजाने क्रममा मृत्यु भएको हो।
घरमै बसेका उनलाई दुई जना अज्ञात व्यक्तिले घरबाट बोलाई मायादेवी गाउँपालिका–५ को महादेव र बनकसिया बिचको सडकमा पुरयाएर गोली प्रहार गरेका थिए।
बायाँ तिघ्रामा गोली लागेका उनको अत्यधिक रक्तश्रावका कारण मृत्यु भएको हो।
गोली कसले चलायो भन्ने खुलेको छैन। प्रहरीले घटनाबारे अनुसन्धान भइरहेको जनाएको छ।
