झापा। झापा गाउँपालिकामा धारिलो हतियार प्रहार गरी एकजनाले श्रीमतीको हत्या गरेका छन्।
झापा–६ स्थित चन्द्रबस्तीका ४० वर्षीय नाइके हास्दाले शुक्रबार राति ३५ वर्षीय श्रीमती तालामाईको कोखामा हतियार प्रहार गरेर हत्या गरेका हुन्।
हास्दाले मादक पदार्थको नसामा श्रीमतीमाथि हतियार प्रहार गरेको प्रहरीले जनाएको छ।
श्रीमतीको हत्या गरी फरार भएका उनलाई शनिबार बिहान नेपाल–भारत सीमा नजिकै कचनकवल–१ बाट पक्राउ गरिएको छ।
घटनाबारे थप अनुसन्धान भइरहेको प्रहरीले जानकारी दिएको छ।
