काठमाडौं। राष्ट्रिय स्वतन्त्र पार्टीका अध्यक्ष रवि लामिछानेले पछाडि ‘बा’ भएकालाई आगामी निर्वाचनबाट बिदा गर्नुपर्ने बताएका छन्।
आज काठमाडौंमा आयोजित कार्यक्रममा लामिछानेले अगाडि ‘बा’ भएकाहरु डोजर लिएर निस्किसकेकोले पछाडि ‘बा’ भएकालाई आगामी निर्वाचनबाट बिदा गर्नुपर्ने बताए।
उनले काठमाडौं महानगरका मेयर बालेनतर्फ संकेत गर्दै भने, ‘पछाडि बा भएकाहरु शेरबहादुर देउवा, ओली बा, प्रचण्ड बा लाई आजसम्मको योगदानका लागि धन्यवाद दिँदै आगामी निर्वाचनबाट ससम्मान बिदा गरौं। अगाडि बा भएकाहरु डोजर लिएर निस्किसके।’
उनले बालेनलाई जनताको आटिलो छोरोको रुपमा चित्रण गर्दै त्यस्तै नायकहरु देशले खोजिरहेको बताए।
